കുവൈത്ത് സിറ്റി: ആദ്യ ഡോസ് ഓക്സ്ഫോർഡ് വാക്സിൻ ലഭിച്ചവർക്ക് രണ്ടാം ഡോസ് വാക്സിൻ നൽകുന്നത് നീട്ടി വയ്ക്കും. രണ്ടാം ദിവസ മൂന്നുമാസത്തിനുശേഷം നൽകിയാൽ മതിയെന്ന നിർദ്ദേശം ആരോഗ്യമന്ത്രാലയം നൽകിയതായി പ്രാദേശിക മാധ്യമങ്ങൾ റിപ്പോർട്ട് ചെയ്തു. രണ്ടാമത്തെ ഡോസ് വൈകിയാൽ വാക്സിൻ കൂടുതൽ ഫലപ്രദമാണെന്ന് സ്ഥിരീകരിക്കുന്ന മെഡിക്കൽ പഠനങ്ങൾ പ്രസിദ്ധീകരിച്ചു, ഈ പശ്ചാത്തലത്തിലാണ് ആണ് രണ്ടാം ഡോസ് വാക്സിൻ നൽകുന്നതിലെ കാലതാമസം എന്ന് അൽ-ഖബാസ് ദിനംപ്രതി റിപ്പോർട്ട് ചെയ്തു.
അതേസമയം , ഫൈസർ വാക്സിൻ ആദ്യ ഡോസ് സ്വീകരിച്ചവർക്ക് രണ്ടാം ഡോസ് ഷെഡ്യൂൾ ചെയ്ത പ്രകാരം ലഭിക്കുമെന്നും ഔദ്യോഗിക വൃത്തങ്ങൾ വ്യക്തമാക്കി . ഓക്സ്ഫോർഡ് വാക്സിൻ രണ്ടാം ഡോസിനായി ബുക്ക് ചെയ്ത അപ്പോയിന്റ്മെന്റുകൾ ആദ്യ ഡോസ് സ്വീകരിച്ച് 12 ആഴ്ചയിലേക്ക് പുനക്രമീകരിക്കും. രണ്ടാം ഡോസിനായി അപ്പോയിന്റ്മെൻ്റ് എടുത്തവരുടെ ഫോണുകളിലേക്ക് ഡേറ്റ് പുനക്രമീകരണം സംബന്ധിച്ച് സന്ദേശങ്ങൾ അയക്കും.
