കുവൈത്ത് സിറ്റി: കുവൈത്തിൽ മന്ത്രാലയ മേഖലയിലെ പ്രധാന കെട്ടിടത്തിലെ ഓഡിറ്റേഴ്സ് റിസപ്ഷൻ ഹാളുകളിലെ സിവിൽ ഐഡി സംഭരണ ഉപകരണങ്ങളുടെ എണ്ണം പബ്ലിക് അതോറിറ്റി ഫോർ സിവിൽ ഇൻഫർമേഷൻ വർദ്ധിപ്പിച്ചു. ദക്ഷിണ സുറ മേഖലയിലെ റിസപ്ഷൻ ഹാളുകളിൽ പുതിയ സംവിധാനമനുസരിച്ച് പ്രവർത്തിക്കുന്ന 10 ഓളം ഉപകരണങ്ങൾ കമ്മീഷൻ സ്ഥാപിച്ചിട്ടുണ്ട്. ഇതോടെ എല്ലാ ഗവർണറേറ്റ്കളിലുമായി ആകെ 80 മെഷീനുകളാണ് രാജ്യത്തുള്ളത്.
ഉപയോക്താക്കളുടെ ഫോണുകളിലൂടെ ഓട്ടോമാറ്റിക് ബാർകോഡുകൾ വായിക്കാനുള്ള കഴിവുള്ള സ്മാർട്ട് ഉപകരണങ്ങളാണ് പുതുതായി സ്ഥാപിച്ചിരിക്കുന്നത്, ഈ ഉപകരണം വഴി സിവിൽ ഐഡി കാർഡിന് വേണ്ടി അപേക്ഷിക്കാം, ആദ്യമായി സിവിൽ ഐഡിക്ക് വേണ്ടി അപേക്ഷ സമർപ്പിക്കുന്നവർക്കും നേരത്തെ ലഭിച്ച കാർഡ് നഷ്ടപ്പെട്ടവർക്ക് വീണ്ടും കാർഡിനായും പുതിയ മെഷീൻ വഴി അപേക്ഷ സമർപ്പിക്കാം.
