കുവൈറ്റ് സിറ്റി : രാജ്യത്തിനുള്ളിൽ വിദേശപതാകകൾ പ്രദർശിപ്പിക്കുന്നതിന് നിരോധനം ഏർപ്പെടുത്തി. ഇത് സംബന്ധിച്ച കുവൈത്ത് ദേശീയ പതാക നിയമത്തിൽ ഭേദഗതികൾ വരുത്തിക്കൊണ്ട് 2025-ലെ 73-ാം നമ്പർ ഡിക്രി-നിയമം പുറപ്പെടുവിച്ചു. പുതുതായി ചേർത്ത ആർട്ടിക്കിൾ 3 ബിസ് പ്രകാരം, ആഭ്യന്തര മന്ത്രിയുടെ മുൻകൂർ അനുമതിയില്ലാതെ, സാധാരണ ദിവസങ്ങളിലോ, പൊതു അല്ലെങ്കിൽ സ്വകാര്യ പരിപാടികളിലോ, അല്ലെങ്കിൽ ആ രാജ്യങ്ങളുടെ ദേശീയ അവധി ദിവസങ്ങളിലോ, വിദേശ രാജ്യങ്ങളുടെ പതാകകൾ കുവൈറ്റിൽ ഉയർത്തുന്നത് ഇപ്പോൾ നിരോധിച്ചിരിക്കുന്നു. എന്നാൽ, വിദേശ രാജ്യം പങ്കെടുക്കുന്ന പ്രാദേശിക അല്ലെങ്കിൽ അന്താരാഷ്ട്ര കായിക ചാമ്പ്യൻഷിപ്പുകൾക്ക് കുവൈറ്റ് ആതിഥേയത്വം വഹിക്കുമ്പോൾ പതാക പ്രദർശിപ്പിക്കാം. കൂടാതെ, മതപരമോ സാമൂഹികമോ ഗോത്രപരമോ ആയ ഗ്രൂപ്പുകളെയോ വിഭാഗങ്ങളെയോ പ്രതിനിധീകരിക്കുന്ന പതാകകളോ മുദ്രാവാക്യങ്ങളോ പ്രദർശിപ്പിക്കുന്നത് നിയമം നിരോധിക്കുന്നു. നിയമം ലംഘിക്കുന്നവർക്ക് ആറ് മാസം വരെ തടവും കൂടാതെ/അല്ലെങ്കിൽ 1,000 KD മുതൽ 2,000 KD വരെ പിഴയും ലഭിക്കാം.
