കുവൈറ്റ് സിറ്റി : ജപ്പാന്റെ തെക്കുപടിഞ്ഞാറൻ മേഖലയിലുണ്ടായ ശക്തമായ ഭൂകമ്പത്തിൽ മരണവും പരിക്കുകളും വ്യാപക നാശനഷ്ടങ്ങളും സംഭവിച്ചതിനെ തുടർന്ന് കുവൈത്ത് ജപ്പാനോട് അനുശോചനവും ഐക്യദാർഢ്യവും അറിയിച്ചു.
ബുധനാഴ്ച പുറത്തിറക്കിയ പ്രസ്താവനയിൽ കുവൈത്ത് വിദേശകാര്യ മന്ത്രാലയം, ദുരന്തത്തിൽ ജീവൻ നഷ്ടമായവരുടെ കുടുംബങ്ങൾക്കും ജപ്പാൻ സർക്കാരിനും ജനങ്ങൾക്കും സംസ്ഥാനത്തിന്റെ പേരിൽ ആത്മാർത്ഥ അനുശോചനം രേഖപ്പെടുത്തി.
ഭൂകമ്പത്തിൽ പരിക്കേറ്റവർ എത്രയും വേഗം സുഖം പ്രാപിക്കട്ടെയെന്ന് ആശംസിച്ച മന്ത്രാലയം, ദുരന്തത്തിന്റെ പ്രത്യാഘാതങ്ങൾ നേരിടുന്ന ഈ ഘട്ടത്തിൽ ജപ്പാനൊപ്പമാണെന്ന് കുവൈത്ത് അറിയിക്കുകയും എല്ലാ പിന്തുണയും വാഗ്ദാനം ചെയ്യുകയും ചെയ്തു.
