കുവൈത്ത് സിറ്റി: ഗതാഗതം സുഗമമാക്കുന്നതിനും സാൽമിയയിലേക്കുള്ള യാത്ര എളുപ്പമാക്കുന്നതിനുമായി ഫിഫ്ത്ത് റിംഗ് റോഡിൽ പൊതുമരാമത്ത് മന്ത്രാലയം പുതിയ പാതകളും എക്സിറ്റുകളും തുറന്നു.
കൺട്രോൾ ടവറിന് എതിർവശത്തെ ഫിഫ്ത്ത് റിംഗ് റോഡിലെ സ്ലോ ലെയിനും വലത് ഷോൾഡറും സൽമിയ ഭാഗത്തേക്കുള്ള ഗതാഗതത്തിനായി തുറന്നു.
കുവൈത്ത് സിറ്റിയിൽ നിന്ന് ഫിഫ്ത്ത് റിംഗ് റോഡ് വഴി സൽമിയയിലേക്ക് പോകുന്ന വാഹനങ്ങൾക്കായി കിംഗ് ഫഹദ് റോഡ് എക്സിറ്റും തുറന്നിട്ടുണ്ട്. അഹമ്മദിയിൽ നിന്ന് ഫിഫ്ത്ത് റിംഗ് റോഡ് വഴി സൽമിയയിലേക്ക് വരുന്ന വാഹനങ്ങൾക്കുള്ള കിംഗ് ഫഹദ് റോഡ് എക്സിറ്റും ഗതാഗതത്തിനായി തുറന്നതായി മന്ത്രാലയം അറിയിച്ചു.
പുതിയ പാതകളും എക്സിറ്റുകളും തുറന്നതോടെ സൽമിയ ഭാഗത്തേക്കുള്ള യാത്രക്കാർക്ക് കൂടുതൽ ഗതാഗത മാർഗങ്ങൾ ലഭ്യമാകുകയും ഗതാഗതക്കുരുക്ക് കുറയ്ക്കാൻ സഹായിക്കുകയും ചെയ്യും.
