കുവൈറ്റ് സിറ്റി : കുവൈത്തിലെ പബ്ലിക് അതോറിറ്റി ഫോർ ഫുഡ് ആൻഡ് ന്യൂട്രീഷൻ (PAFN) ഫർവാനിയ ഗവർണറേറ്റിലെ ഭക്ഷ്യ ഗോഡൗണുകളിൽ നടത്തിയ പരിശോധനയിൽ 173 കിലോഗ്രാം മനുഷ്യ ഉപഭോഗത്തിന് യോഗ്യമല്ലാത്ത ഭക്ഷ്യവസ്തുക്കൾ നശിപ്പിച്ചു.
ആരോഗ്യ, ഭക്ഷ്യസുരക്ഷാ മാനദണ്ഡങ്ങൾ പാലിക്കുന്നുണ്ടെന്ന് ഉറപ്പാക്കുന്നതിനായി നടത്തിയ പരിശോധനയിലാണ് നിയമലംഘനങ്ങൾ കണ്ടെത്തിയത്.
പരിശോധനയുടെ ഭാഗമായി ആരോഗ്യചട്ടങ്ങൾ ലംഘിച്ചതിന് അഞ്ച് ലംഘന റിപ്പോർട്ടുകൾ പുറപ്പെടുവിച്ചു. നിയമാനുസൃത നടപടിക്രമങ്ങൾ പാലിച്ച് ഭക്ഷ്യവസ്തുക്കൾ നശിപ്പിക്കുന്നതിനുള്ള റിപ്പോർട്ടും അധികൃതർ തയ്യാറാക്കി.
കുവൈത്തിലെ ഭക്ഷ്യസ്ഥാപനങ്ങളിലും ഗോഡൗണുകളിലും പരിശോധനാ ക്യാമ്പയിനുകൾ തുടരുമെന്ന് PAFN അറിയിച്ചു. പൊതുജനാരോഗ്യവും ഉപഭോക്താക്കളുടെ സുരക്ഷയും ഉറപ്പാക്കുന്നതിനായി നിയമലംഘകർക്കെതിരെ കർശന നിയമനടപടികൾ സ്വീകരിക്കുമെന്നും അതോറിറ്റി വ്യക്തമാക്കി.
