കുവൈറ്റ് സിറ്റി : കുവൈറ്റിലെ മെട്രോ മെഡിക്കൽ ഗ്രൂപ്പിന്റെ എട്ടാമത്തെ ബ്രാഞ്ചായ മെട്രോ മെഡിക്കൽ സെന്റർ സെപ്റ്റംബർ 19ന് വൈകുന്നേരം 5 മണിക്ക് സാൽമിയ ബ്ലോക്ക് 3-ൽ ഉദ്ഘാടനം ചെയ്യും. നിരവധി രാജ്യങ്ങളുടെ സ്ഥാനപതിമാർ, എംബസി ഉദ്യോഗസ്ഥർ, സാമൂഹിക-സാംസ്കാരിക രംഗത്തെ പ്രമുഖ വ്യക്തിത്വങ്ങൾ എന്നിവർ ചടങ്ങിൽ പങ്കെടുക്കും. അതോടൊപ്പം, മെട്രോയുടെ പത്താമത് ഫാർമസിയും അന്നേ ദിവസം തന്നെ ഉദ്ഘാടനം ചെയ്യപ്പെടും. ഉദ്ഘാടനത്തോടനുബന്ധിച്ച് ഡോക്ടർമാരുടെ കൺസൾട്ടേഷൻ വെറും 3 ദിനാർ (സെപ്റ്റംബർ 19 മുതൽ ഒക്ടോബർ 31 വരെ), എല്ലാ കൺസൾട്ടേഷനും മെഡിക്കൽ പ്രോസീജറുകൾക്കും 30% ക്യാഷ്ബാക്ക് (2025 ഡിസംബർ 31 വരെ), എല്ലാ ഫാർമസി ബില്ലിങ്ങിലും 15% ക്യാഷ്ബാക്ക് (2025 ഡിസംബർ 31 വരെ), പ്രത്യേക ആനിവേഴ്സറി പാക്കേജുകൾ (KD 1 മുതൽ KD 10 വരെ, ഡിസംബർ 31 വരെ), ഇൻഷുറൻസ് രോഗികൾക്കായി ഡിസംബർ 2026 വരെ പ്രത്യേക കൂപ്പണുകൾ എന്നീ ഓഫറുകളും പ്രഖ്യാപിച്ചിട്ടുണ്ട്. പുതിയ ബ്രാഞ്ചിൽ ഇന്റേണൽ മെഡിസിൻ,ഡെന്റൽ, ഡെർമറ്റോളജി,കോസ്മെറ്റോളജി & ലേസർ,എൻഡോക്രിനോളജി,ഇ.എൻ.ടി, ഒബി & ഗൈനക്കോളജി, പീഡിയാട്രിക്സ്, ന്യൂറോളജി, യൂറോളജി, ഓർത്തോപീഡിക്സ്, ഓഫ്താൽമോളജി,ലാബ്,ജനറൽ മെഡിസിൻ,എക്സ്റേ,അൾട്രാസൗണ്ട് തുടങ്ങിയ വിഭാഗങ്ങൾ പ്രവർത്തനം ആരംഭിക്കുന്നതിനൊപ്പം, രോഗികൾക്ക് ഹൈ കാലിബർ എം ആർ ഐ ,മാമ്മോഗ്രാം,സി ടി തുടങ്ങിയ മെട്രോയുടെ പ്രീമിയം സേവനങ്ങൾക്ക് പിക്ക് ആൻഡ് ഡ്രോപ്പ് വാഹന സൗകര്യവും ഒരുക്കിയിട്ടുണ്ട്. മഹബൂല , റിഗ്ഗ, ജഹ്റ, എന്നിവിടങ്ങളിലേക്കും മെട്രോയുടെ ആരോഗ്യ സേവനങ്ങൾ ഉടൻ വ്യാപിപ്പിക്കുമെന്ന് മെട്രോ മാനേജ്മെന്റ് അറിയിച്ചു.മെട്രോ മെഡിക്കൽ ഗ്രൂപ്പ് ഫൗണ്ടറും ,ചെയർമാനും ,സിഇഒ യുമായ മുസ്തഫ ഹംസ, പാർട്നെർസ് ഡോ.ബിജി ബഷീർ, ഡോ. അഹമ്മദ് അൽ ആസ്മി , എം.എം.സി മെഡിക്കൽ സെന്റർ മെഡിക്കൽ ഡയറക്ടർ ഡോ. ഹിന്ദ് അൽ ഹമദ്,ഫഹദ് അൽ മുത്തേരി, മെട്രോ മെഡിക്കൽ ഗ്രൂപ്പ് ജനറൽ മാനേജർ മുഹമ്മദ് ഷൗക്കി എന്നിവർ വാർത്താ സമ്മേളനത്തിൽ പങ്കെടുത്തു.
