അനധികൃതമായി സര്വീസില് നിന്നും വര്ഷങ്ങളായി വിട്ടു നില്ക്കുന്ന മെഡിക്കല് വിദ്യാഭ്യാസ വകുപ്പിന് കീഴിലുള്ള 28 ഡോക്ടര്മാരെ സര്വീസില് നിന്നും നീക്കം ചെയ്യാന് സര്ക്കാര് ഉത്തരവിട്ടു. പലതവണ അവസരം നല്കിയിട്ടും സര്വീസില് പ്രവേശിക്കാത്തതിനെ തുർന്നാണ് നടപടി. മറ്റുള്ളവർക്ക് മുന്നറിയിപ്പും നല്കിയിട്ടുണ്ട്.
സംസ്ഥാനം കോവിഡ് മഹാമാരിയ്ക്കെതിരായ തുടര്ച്ചയായ പോരാട്ടത്തിലാണ്. ആരോഗ്യ പ്രവര്ത്തകര് ഏറ്റവും അത്യാവശ്യമായ സമയം കൂടിയാണിത്. ഈ സാഹചര്യത്തില് വിട്ടു നില്ക്കുന്ന എല്ലാ ആരോഗ്യ പ്രവര്ത്തകരും ഉടന് തന്നെ സര്വീസില് പ്രവേശിക്കണമെന്ന് ആരോഗ്യമന്ത്രി വീണാ ജോർജ് അഭ്യര്ത്ഥിച്ചു.
