കുവൈറ്റ് സിറ്റി: കുവൈറ്റിലെ മലയാളി സംഗീതാസ്വാദകർക്ക് വേറിട്ട സംഗീതാനുഭവമൊരുക്കാൻ കുവൈറ്റ് ടൗൺ മലയാളി ക്രിസ്ത്യൻ കോൺഗ്രിഗേഷൻ സംഗീത വിരുന്ന് സംഘടിപ്പിക്കുന്നു. മെയ് 27-ന് ബുധനാഴ്ച വൈകിട്ട് 6 മണിക്ക് നാഷണൽ ഇവാഞ്ചലിക്കൽ ചർച്ചിൽ പരിപാടി അരങ്ങേറും. കുവൈറ്റിലെ വിവിധ പ്രമുഖ ഗായകസംഘങ്ങൾ സംഗീതസന്ധ്യയിൽ പങ്കെടുക്കും. കെ.ടി.എം.സി.സി ക്വയർ, ഇന്ത്യ പെന്തക്കോസ്ത് ചർച്ച് ക്വയർ, കുവൈറ്റ് സിറ്റി മാർത്തോമ്മാ ചർച്ച് ക്വയർ, മെൻസ് വോയ്സ് ആൻഡ് കോറൽ സൊസൈറ്റി കുവൈറ്റ്, സെന്റ് ജെയിംസ് മാർത്തോമ്മാ ചർച്ച്, സെന്റ് ജോൺസ് മാർത്തോമ്മാ ചർച്ച്, സെന്റ് പീറ്റേഴ്സ് സി.എസ്.ഐ., സെന്റ് തോമസ് ഇവാഞ്ചലിക്കൽ ചർച്ച്, വോയ്സ് ഓഫ് ജോയ്, യൂത്ത് കോറസ് കുവൈറ്റ് എന്നിവ ഉൾപ്പെടെ പത്തോളം ഗായകസംഘങ്ങൾ പരിപാടിയിൽ അണിനിരക്കും. ഗാനസന്ധ്യയുടെ ഒരുക്കങ്ങൾക്കായി റോയി കെ.യോഹന്നാൻ, കുരുവിള ചെറിയാൻ , സജു വാഴയിൽ തോമസ്,അജോഷ് മാത്യു , ഷിലു ജോർജ് , ജിനു അരീക്കൽ , ബിജോ കെ ഈശോ തോമസ് ഫിലിപ്പ് , കെ.ടി.എം.സി.സി കമ്മറ്റി അംഗങ്ങൾ എന്നിവരുടെ നേതൃത്വത്തിൽ കമ്മിറ്റി പ്രവർത്തിക്കുന്നു. സംഗീതവും കൂട്ടായ്മയും ഒരുമിക്കുന്ന ഈ വിരുന്നിലേക്ക് സംഗീതാസ്വാദകരെ സംഘാടകർ സ്വാഗതം ചെയ്യുന്നു.
