ഫഹാഹീൽ : കുവൈത്തിലെ പ്രമുഖ പ്രവാസി ഫുട്ബോൾ ക്ലബ് ഫഹാഹീൽ ഇന്ത്യൻ ഫുട്ബോൾ അസോസിയേഷൻ ( ഫിഫ ) ക്ലബിൻ്റെ പുതിയ സീസണിലേക്കുള്ള ജേഴ്സി പ്രകാശനം ചെയ്തു.
പ്രകാശനത്തോടനുബന്ധിച്ച് 2026 ഫിഫ ലോകകപ്പിനെ കപ്പിനെ സ്വാഗതം ചെയ്തുകൊണ്ട് വെൽക്കം മാച്ച് സംഘടിപ്പിച്ചു. ഫിഫ എ , ബി ടീമുകൾ അണിനിരന്ന മത്സരത്തിൽ ഇരു ടീമുകളും ആറു ഗോളുകൾ നേടി സമനില പാലിച്ചു. ഉമ്മുൽ അയ്മൻ ഗ്രൗണ്ടിൽ നടന്ന പ്രകാശന ചടങ്ങിന് ക്ലബ് അംഗങ്ങളായ പി കെ മുനീർ, ജയൻ, ശ്രീനി , സൽമാൻ , റഫീഖ് ബാബു , ഫരീദ് , ജിജി , പ്രകാശ് എന്നിവർ നേതൃത്വം നൽകി.
