ഉത്തർപ്രദേശിൽ കോവിഡ് ബാധിച്ച ഒരു മന്ത്രി കൂടെ മരിച്ചു. റവന്യൂ പ്രളയ നിയന്ത്രണ വകുപ്പ് മന്ത്രി വിജയ് കശ്യപ് ആണ് മരിച്ചത്. 56 വയസ്സായിരുന്നു. ഗുഡ്ഗാവിലെ മെഡാന്റ ആശുപത്രിയില് ഇന്നലെയായിരുന്നു അന്ത്യം. യുപിയില് കോവിഡ് ബാധിച്ച് ജീവന് നഷ്ടമായ മൂന്നാമത്തെ മന്ത്രിയാണ് വിജയ് കശ്യപ്.
കോവിഡിന്റെ ഒന്നാം തരംഗത്തില്, കഴിഞ്ഞ വര്ഷം കമല് റാണി വരുൺ, ചേതന് ചൌഹാൻ എന്നീ മന്ത്രിമാർ കഴിഞ്ഞ തവണ കോവിഡ് ബാധിച്ച് മരിച്ചിരുന്നു. കോവിഡിന്റെ രണ്ടാംതരംഗത്തില് ജീവന് നഷ്ടമാകുന്ന അഞ്ചാമത്തെ ബിജെപി എംഎല്എയാണ് വിജയ് കശ്യപ്. മുസഫര് നഗര് ചര്തവാള് മണ്ഡലത്തില് നിന്നുള്ള എംഎല്എയാണ്.
വിജയ് കശ്യപിന്റെ മരണത്തില് പ്രധാനമന്ത്രി നരേന്ദ്രമോദി, മുഖ്യമന്ത്രി യോഗി ആദിത്യനാഥ് അടക്കമുള്ള മുതിര്ന്ന ബിജെപി നേതാക്കള് അനുശോചിച്ചു.
