പാര്‍ലമെന്റ് തെരഞ്ഞെടുപ്പിലേക്ക് മത്സരിക്കുന്നതില്‍ നിന്ന് 32 സ്ഥാനാര്‍ത്ഥികള്‍ പിന്മാറി. ചിലര്‍ പ്രമുഖരുടെ സമ്മര്‍ദ്ദത്തിനു കീഴ്പ്പെട്ട് പിന്മാറിയപ്പോള്‍ മറ്റു ചിലര്‍ ജയിക്കില്ലെന്ന് ഉറപ്പായ സാഹചര്യത്തിലാണ് തെരഞ്ഞെടുപ്പില്‍ നിന്ന് പിന്മാറിയത്.

മുല്ലപ്പെരിയാര്‍ പ്രശ്ന പരിഹാരത്തിന് കേന്ദ്രസര്‍ക്കാര്‍ ഇടപെടണമെന്ന് കേരള കോണ്‍ഗ്രസ് നേതാവും മുന്‍ എം പി ഫ്രാന്‍സിസ് ജോര്‍ജ്. കുവൈറ്റിലെത്തിയ അദ്ദേഹം വാര്‍ത്താസമ്മേളനത്തില്‍ സംസാരിക്കുകയായിരുന്നു. ഇരു സംസ്ഥാനങ്ങളിലേയും ജനങ്ങള്‍ക്ക്‌ പ്രയോജനം ലഭിക്കുന്നതിനു വേണ്ടിയാണ് പുതിയ അണക്കെട്ട് മുല്ലപ്പെരിയാറില്‍ നിര്‍മിക്കണമെന്ന ആവശ്യം ഉന്നയിക്കുന്നത്‌. എന്നാല്‍, ഈ വിഷയത്തില്‍ കേരളത്തെ അനിശ്ചിതമായി ഭീതിയില്‍ നിര്‍ത്തുന്നത്‌ തുടരാനാകില്ലെന്നും അദ്ദേഹം പറഞ്ഞു.

അടുത്തമാസം രണ്ടിന് കുവൈറ്റ് പാര്‍ലമെന്റിലേക്ക് നടക്കുന്ന തെരഞ്ഞെടുപ്പില്‍ ഒരു അനീതിയും അനുവദിക്കില്ലെന്ന് പ്രധാനമന്ത്രി ഷെയ്ഖ് ജാബര്‍ മുബാറക് അല്‍-ഹമദ് അല്‍-സബഹ്. വോട്ടു കച്ചവടത്തിനെതിരെ കണ്ണടച്ച് ഇരിക്കില്ലെന്നും അദ്ദേഹം പറഞ്ഞു. തെരഞ്ഞെടുപ്പുമായി ബന്ധപ്പെട്ട മീഡിയ സെന്റര്‍ സന്ദര്‍ശിച്ച ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

പ്രവാസികളുടെ വോട്ടവകാശം എത്രയും പെട്ടെന്ന് നിലവില്‍ വരുത്തണമെന്ന് ആവശ്യപ്പെട്ട് കുവൈറ്റിലെ ഇന്ത്യന്‍ സ്വദേശികള്‍ കൊടിക്കുന്നില്‍ സുരേഷ് എം പിയെ കണ്ടു. ഇന്ത്യന്‍ സര്‍ക്കാര്‍ പാര്‍ലമെന്റില്‍ പ്രവാസി വോട്ട് നിയമം പാസാക്കിയെങ്കിലും പ്രവാസികള്‍ തെരഞ്ഞെടുപ്പ് സമയത്ത് ഇന്ത്യയില്‍ ഉണ്ടെങ്കില്‍ മാത്രമേ വോട്ട് ചെയ്യാന്‍ പറ്റുകയുള്ളൂ. പക്ഷേ, പ്രവാസികളായ മിക്ക ഇന്ത്യക്കാര്‍ക്കും ജോലിയും തിരക്കും ആയതിനാല്‍ തെരഞ്ഞെടുപ്പ് സമയത്ത് നാട്ടിലെത്തി വോട്ട് ചെയ്യുക എന്നുള്ളത് സാധ്യമായ കാര്യമല്ല.

കുവൈറ്റ് കേരള ഇസ്‌ലാഹി സെന്ററിന്റെ ഫര്‍വാനിയ, ജഹറ, ഫൈഹ, അബൂഹലീഫ, കുവൈറ്റ് സിറ്റി യുണിറ്റുകളുടെ പുതിയ ഭാരവാഹികളെ തെരഞ്ഞെടുത്തതായി സെന്റര്‍ വാര്‍ത്താക്കുറിപ്പില്‍ അറിയിച്ചു. ഭാരവാഹികളുടെ പേരും വകുപ്പും താഴെക്കൊടുക്കുന്നു.

ഭാരതത്തിന്റെ അറുപത്തിമൂന്നാം റിപ്പബ്ലിക് ദിനം കുവൈറ്റിലെ ഇന്ത്യന്‍ എംബസിയും സമുചിതമായി ആഘോഷിച്ചു. സ്ഥാനപതി സതീഷ്‌ സി മേഹ്ത ത്രിവര്‍ണപതാക ഉയര്‍ത്തി. തുടര്‍ന്ന് ഇന്ത്യന്‍ രാഷ്‌ട്രപതിയുടെ റിപ്പബ്ലിക് ദിന സന്ദേശം ഇന്ത്യന്‍ സ്ഥാനപതി വായിച്ചു. കഴിഞ്ഞ വര്‍ഷങ്ങളെ അപേക്ഷിച്ച് കോണ്‍സിലര്‍ സേവനങ്ങളില്‍ പതിനൊന്ന് ശതമാനത്തിന്റെ വര്‍ദ്ദനവ് ഉണ്ടായതായും ഇന്ത്യന്‍ എംബസിയില്‍ ജീവനക്കാരുടെ കുറവ് നിമിത്തം എംബസി സേവനങ്ങള്‍ കാലതാമസം നേരിടുന്നുണ്ടെന്നും സമൂഹത്തിന്റെ അഭിവൃദ്ധിക്കായി പ്രവര്‍ത്തിക്കാന്‍ എല്ലാ ജീവനക്കാരും സന്നദ്ധരാണെന്നും ഇന്ത്യന്‍ സ്ഥാനപതി തന്റെ റിപ്പബ്ലിക് ദിന സന്ദേശത്തില്‍ പറഞ്ഞു.

അറുപത്തിമൂന്നാമത് റിപ്പബ്ലിക് ദിനം ആഘോഷിക്കുന്ന ഭാരതീയര്‍ക്ക് ഇന്ത്യ-കുവൈറ്റ് സൌഹൃദ കൂട്ടായ്മയായ ഐ കെ എഫ് എസ് ആശംസകള്‍ നേര്‍ന്നു. കുവൈറ്റിലും മറ്റ് വിദേശരാജ്യങ്ങളിലും താമസിക്കുന്ന എല്ലാവര്‍ക്കും റിപ്പബ്ലിക് ദിന ആശംസകള്‍ നേരുന്നതായി ഐ കെ എഫ് എസ് വാര്‍ത്താക്കുറിപ്പില്‍ അറിയിച്ചു.

കുവൈറ്റ് കേരള ഇസ്ലാഹി സെന്റര്‍ സാല്‍മിയ ഇസ്ലാഹി മദ്രസ്സ വിദ്യാര്‍ത്ഥി ആമിര്‍ അഷ്റഫ് എകരൂല്‍ (ഇന്ത്യന്‍ കമ്മ്യൂണിറ്റി സ്കൂള്‍ മൂന്നാം ക്ലാസ് വിദ്യാര്‍ത്ഥി) കുവൈറ്റിലെ ഏഷ്യന്‍ സ്കൂള്‍ വിദ്യാര്‍ത്ഥികള്‍ക്കായി കുവൈറ്റ് പ്രൈവറ്റ് എഡ്യുക്കേഷന്‍ വകുപ്പിന് കീഴില്‍ നടന്ന ഖുര്ആന്‍ മനപാഠ മത്സരത്തില്‍ മൂന്നാം സ്ഥാനം നേടി.

മലയാളത്തിന്റെ സാംസ്‌കാരിക നായകന്‍ സുകുമാര്‍ അഴീക്കോടിന്റെ നിര്യാണത്തില്‍ കുവൈറ്റിലെ കണ്ണൂര്‍ നിവാസികളുടെ കൂട്ടായ്മ ഫ്രെണ്ട്സ് ഓഫ് കണ്ണൂര്‍ (ഫോക്ക്)എക്സിക്യൂട്ടീവ് കമ്മിറ്റി അനുശോചനം രേഖപ്പെടുത്തി.

ഇന്ത്യന്‍ ഇസ്‌ലാഹി സെന്ററിന്റെ പുതിയ കമ്മിറ്റി നിലവില്‍ വന്നു. ഐ ഐ സി ജലീബ് ഹാളില്‍ ചേര്‍ന്ന പുതിയ ജനറല്‍ കൗണ്‍സിലാണ് മുഹമ്മദ് എം ടി സാഹിബ് പ്രസിഡന്റും അബ്‌ദുല്‍ വഹാബ് മദനി ജനറല്‍ സെക്രട്ടറിയും സയ്യിദ് അബ്‌ദു റഹ്മാന്‍ തങ്ങള്‍, അബൂബക്കര്‍ സിദ്ദിഖ്, വി എ മൊയ്തുണ്ണി, എന്‍ കെ മുഹമ്മദ് എന്നിവര്‍ വൈസ് പ്രസിഡന്റുമാരും അബ്‌ദുറസാഖ് ഫൈനാന്‍സ് സെക്രട്ടറിയും അബ്‌ദുല്‍ ലത്തീഫ് പേക്കാടന്‍ ജോയിന്റ് സെക്രട്ടറിയുമായി പുതിയ കമ്മിറ്റിയെ തെരഞ്ഞെടുത്തത്.

ലോകത്തെ ഏറ്റവും വലിയ മണി എക്സ്ചേഞ്ച് സ്ഥാപനമായ യു എ ഇ എക്സ്ചേഞ്ചിന് മുബാറക്കിയയില്‍ പുതിയ ബ്രാഞ്ച്. ജനുവരി 18ന് ആണ് യു എ ഇ എക്സ്ചേഞ്ച് കുവൈറ്റിലെ തങ്ങളുടെ 21ആമത്തെ ബ്രാഞ്ച് തുറന്നത്.

പുതിയ ബജറ്റില്‍ കുവൈറ്റികള്‍ക്ക് മാത്രമായി കാത്തിരിക്കുന്നത് 6,000 തൊഴില്‍ അവസരങ്ങള്‍. 3, 500 തൊഴില്‍ അവസരങ്ങള്‍ പൊതു മേഖലയില്‍ ആണ് ഉറപ്പു വരുത്തുക. ഒപ്പം രാജ്യസേവനത്തിന് താല്പര്യമുള്ളവര്‍ക്കായി സൈനികമേഖലയില്‍ 2,500 തൊഴില്‍ അവസരങ്ങളും സൃഷ്‌ടിക്കും.

വടക്കേ മലബാറിലെ സല്‍ക്കാര പ്രിയരായ മുസ്ലീം കുടുംബങ്ങളുടെ കഥയാണ് “ തക്കാരം” എന്ന നോവല്‍. ജനനവും, മരണവും, മാര്‍ക്കം ചെയ്യലും( സുന്നത്ത് കല്യാണം) തെരണ്ടലും, കാതു കുത്തലും കല്യാണവും, ഗൃഹപ്രവേശവും (നോവലിസ്റ്റിന്റെ ഭാഷയില്‍ തക്കരിച്ച്, തക്കരിച്ച് തക്കാരമായി തീര്‍ന്ന) ആഘോഷപരമായി കൊണ്ടാടിയും, വെള്ളക്കാരുടെ ഭരണ ചൂഷണവും കേരള സര്‍ക്കാരിന്റെ ഭരണപരിഷ്ക്കാരവും തക്കാര പ്രിയവും വാശിയും വക്കാണവും വഞ്ചനയും വിധിയും സമന്വയിപ്പിച്ച്, സംഭവ ബഹുലമായ നിരവധി മുഹൂര്‍ത്തങ്ങളിലൂടെ വളരെ അയത്നവും, ലളിതവുമായ ശൈലിയില്‍ വികസിച്ചിട്ടുള്ള ഈ നോവല്‍ ഒരു കുടുംബം പാപ്പരായി തീരുന്നതിന്റെ കാരണം വ്യക്തമാക്കുകയാണ്. ഒപ്പം നാടിന്റെ ചരിത്രവും.

ഐ എസ് ആര്‍ ഒ മുന്‍ ചെയര്‍മാന്‍ ജി മാധവന്‍ നായര്‍ പട്‌ന ഐഐടി ബോര്‍ഡ് ഓഫ് ഗവര്‍ണേഴ്‌സ് ചെയര്‍മാന്‍ സ്ഥാനം ഒഴിഞ്ഞു. സര്‍ക്കാരിന്റെ വിലക്കില്‍ പ്രതിഷേധിച്ച് കൊണ്ടാണ് മാധവന്‍ നായര്‍ സ്ഥാനമൊഴിഞ്ഞത്. എസ് ബാന്‍ഡ് സ്‌പെക്‌ട്രം ഇടപാട് ആരോപണത്തെ തുടര്‍ന്ന് ജി മാധവന്‍ നായരടക്കം നാല് ഉന്നത ശാസ്ത്രജ്ഞരെ നിലവിലുള്ളതും ഭാവിയില്‍ ഉണ്ടാകാവുന്നതുമായ എല്ലാ സര്‍ക്കാര്‍ നിയമനങ്ങളില്‍ നിന്നും വിലക്കിക്കൊണ്ട് സര്‍ക്കാര്‍ കഴിഞ്ഞദിവസം ഉത്തരവിട്ടിരുന്നു.

കോണ്‍ഗ്രസ് നേതാവും ലോക്സഭാ എം പിയുമായ കെ സുധാകരന് അഭിവാദ്യം അര്‍പ്പിച്ചു കൊണ്ടുള്ള ബോര്‍ഡ് പുനസ്ഥാപിച്ചതിന് ആറു പൊലീസുകാര്‍ക്ക് സസ്പെന്‍ഷന്‍. ജില്ല പൊലീസ് മേധാവിയുടെ നിര്‍ദ്ദേശ പ്രകാരം നീകിയ അഭിവാദ്യ ബോര്‍ഡ് പുനസ്ഥാപിച്ചതിന്റെ പേരില്‍ കേരള പൊലീസ് അസോസിയേഷന്‍ കണ്ണൂര്‍ ജില്ലാ ഭാരവാഹികളടക്കമുള്ളവര്‍ക്കാണ് സസ്പെന്‍ഷന്‍.

കഴിഞ്ഞമാസം കൊല്‍ക്കത്തയിലെ എ എം ആര്‍ ഐ ആശുപത്രിയിലുണ്ടായ തീപിടുത്തവുമായി ബന്ധപ്പെട്ട് കമ്പനിയുടെ രണ്ട് ഡയറക്‌ടര്‍മാര്‍ കൂടി അറസ്റ്റില്‍. ഡോക്‌ടര്‍ മിനി ചേത്രി, ആശുപത്രി ബോര്‍ഡ് അംഗം ഡോക്‌ടര്‍ പ്രണബ്‌ ദാസ് ഗുപ്ത എന്നിവരെയാണ് കൊല്‍ക്കത്ത പൊലീസ് അറസ്റ്റു ചെയ്തത്.

അഞ്ചു നിയമസഭാ തെരഞ്ഞെടുപ്പുകള്‍ക്ക് ശനിയാഴ്ച തുടക്കം. മണിപ്പൂരില്‍ ആണ് തെരഞ്ഞെടുപ്പുകള്‍ക്ക് തുടക്കം. 60 മണ്ഡലങ്ങളിലായി 279 സ്ഥാനാര്‍ത്ഥികളുടെ വിധി നിര്‍ണയിക്കാന്‍ മണിപ്പൂര്‍ ശനിയാഴ്ച പോളിംഗ് ബൂത്തിലേക്കെത്തും.